Fantasía



"Luz do ocaso sobre buguinas brancas"

                 
                  Na túa cabeza navegan peixes,
                  nos teus ollos arestas de metal
                  e na túa boca bicos de luces abstractas.
 
                  Dende a miña ventá
                  escoito o bruído do mar
                  que reclama a túa pel chea de escamas.
                  Sobre a curvatura do horizonte
                  deitas feiticeira o teu corpo de cristal
                  e o lombo das ondas fecunda
                  o teu ventre de transparencias salgadas.
 
                  Na escuridade do meu cuarto

                  sobre sombras transeúntes
                  naceron buguinas brancas...

                                                                                                                      (Foto propia)