Máis dunha non aprendimos inda a xogar ben a "rayuela " .

                                Rayuela


           cada quen xoga como pode
           gardando o equilibrio
           con un dos pés no chan
           e outro polo aire

           para chegar ao oito
           hai que ser excelente
           saber saltar moi ben
           e non perder a pedra

           cando chegas ao sete
           e xa palpas o ceo
           algo te empurra fóra
           e vas caer no inferno

           non sei quen me pintou
           os cadros tan pequenos
           nin porque me deron
           este croio tan duro

           alguén xoga con trampas
           e fai grandes os cadros
           troca seguido as marcas
           e non carga con nada

           eu levo dende nena
           practicando este xogo
           e inda non aprendín
           a xogar á "rayuela"
  
                                     Ana López.