DEMANDA A UN DEUS

Imaxe Google

A pantalla catódica non para de cuspir detritos inhumanos. Tapo a cabeza para non ver a escandalosa destrucción cósmica, para que os ollos non se me afagan e a alma non se me acartoe.

Tapo a cabeza mentres me pregunto onde está Deus agora?  Quizabes mirando outros mundos mentres este se lle vai das mans. Se unha vez veu, seica redimirnos, agora era imprescindible que baixara  en persoa, non o fillo. Que se arrincara perante o mundo, as veas a tiras e as febras  fío a fío, para crermos na súa existencia.

Que mundo creou que apodrece en carne viva baixo terribles pragas de lume e fame ?

gema, 16-03-09